拍拖年多被飛 舊愛張紋嘉送祝福
前組合HotCha成員張紋嘉（Crystal）據聞曾與徐浩拍拖，雖然兩人從未公開承認，但知情人士透露當年兩人拍拖好秘密，但不少歌手、DJ朋友都知道兩人的情侶關係，不過這段情維持年多就分開，有傳Crystal是被徐浩飛起，當時Crystal向朋友傾訴失戀，更有段時間顯得悶悶不樂。
目前身在美國紐約進修為期三個月演藝課程的Crystal，昨日在電話中承認與徐浩拍過拖，得知徐浩與連詩雅撻着，她說：「咪好囉，佢拍拖祝福佢，唔係可以點呀？（傳當年係佢主動提出分手？）係，已經好多年前嘅事，唔係好想提，兩個人一齊唔開心，分手係好正常，佢覺得唔work咪分。」