Supper Moment倡立法音樂節放假

樂隊Supper Moment前晚以大使身份出席銀礦灣沙灘音樂節，他們表示已第三年參與演出，大讚在沙灘開騷好玩，更笑言應為音樂節設立法定公眾假期，鼓勵大家留港度假：「大家有時周末可能會去個短旅行，好似曼谷、台北。但其實呢三日留喺香港嘅話，一定好玩啲，又唔使飛，又平，呢個騷又免費。你會覺得呢度唔似香港，同曼谷差唔多！」提到好友鄭欣宜日前開騷，除了主音Sunny因要演出外，成員CK、阿達及阿雞上周六亦有到場支持，他們大讚欣宜是真·天后：「嗰場仲要係容祖兒做嘉賓，直情係兩個Diva喺台上面表演！」