肥媽笑話6號有病
藝人肥媽與陸浩明（6號）因主持節目而上契。前者近日獲「御藥堂」邀請拍攝廣告，原本廣告商有為肥媽安排男拍檔，不過她則「明益契仔」，引薦6號「搶飯碗」。昨午二人拍廣告期間見記者，肥媽直言﹕「我依家乜嘢都預6號，咁我哋有默契，做嘢唔使點對稿嘛。」
6號即賣口乖多謝契媽關照，一直想與拍拖5年的女友拉埋天窗的他，搞笑指自己未有足夠老婆本，且謂：「我想求婚過程難忘啲，女仔點都要有番隻似樣嘅戒指。我又錯過咗4月上車買樓好時機，一係叫阿媽租佢名下一層800呎嘅樓畀我，我每月畀8,000蚊租佢啦。」
肥媽聞言即笑答﹕「有病呀你？其實求婚最緊要講愛情，我見人哋喺條街求婚，跳吓舞攞隻草織戒指出嚟就搞掂。如果你結婚，反而要買層樓，預其中一間房畀我。婚宴我會送龍鳳鈪同金豬鏈嘅，總之樣樣做足，你就快啲生契孫畀我抱﹗」