吳岱融豬籠入水 極速吸金百萬
藝人吳岱融、黃浩然、傅嘉莉和C君（鄭詩君）前晚在尖沙咀出席無綫新劇《我瞞結婚了》煞科宴。談到吳岱融憑熱播劇《巨輪II》奸角高天鷲大受歡迎，他即笑說：「有細路仔喺茶餐廳走埋嚟同我講：『高天鷲，我請你食豆腐花！』（有信心拎獎？）有獎係好事，但冇所謂，某角度嚟講我已經攞咗獎。（多咗片商接觸你？）有，廣告呀乜都有。」據知，連同與陳小春合作拍新網劇的片酬，所有收入總額保守估計過百萬，認真和味！
C君自嘲投井
至於C君被指搬大屋，他就指新屋是租住並非自購，問是否跟鄭裕玲「搵食」後收入翻幾倍？直認收入增加的他笑言自己起步點低，又指買樓仍遙不可及：「都唔明點解（啲人）會買到！（跟鄭裕玲學投資？）投資要有資本，我投咩？我投井咋！」
黃浩然最近就撮合洪永城和馬國明這對「世紀情敵」影合照，他指甫相時有徵求兩人意見，更希望「情敵檔」能帶挈他一齊接Job搵銀。
文：影視組