丘竣霆拍打戲見紅

童星出身的藝人丘竣霆（Shelton）最近接拍內地網絡電影，戲中飾演「奸到出汁」的壞人，令他大呼過癮，更要挑戰連場打戲，實行「打」入大銀幕！他說：「有好多場打戲都需要親身上陣，好彩我本身有跳舞底子，個人比較靈活，所以最後順利完成拍攝。（拍打戲時有冇整親？）傷得比較重係有一次我唔小心撞落玻璃，眉角位置即時見血，但為咗唔阻礙拍攝，我止完血繼續開工，好彩傷口唔算深，應該唔會有疤痕毀容。」Shelton自爆為拍攝「去到盡」，畏高的他仍親身上陣拍高空場面，相當專業！他說：「有一場戲我要畀人喺天橋掟落地面，身體有一半都掛咗出去，雖然我有畏高，但為咗鏡頭更靚就頂硬上啦！」