咪神Vicky籃球場的浪漫 拍拖打波：我受o架！

無綫新咪神陳偉琪（Vicky）好動活潑，最愛打籃球，中學時曾擔任學校籃球隊隊長。籃球場上的Vicky身手矯健，運傳接射等技術完全難不倒她，想不到曾打入2013年香港小姐最後五強、在台上斯文高貴的她，原來是籃球健將！

唔瞓都要打波

Vicky自小受父親薰陶到球場射籃，求學時主攻籃球隊，為打波廢寢忘餐：「當時經常放學練波練到夜晚10點，返屋企再溫書溫到半夜，唔想影響到學業令媽咪擔心，寧願犧牲瞓覺時間。」其後到加拿大升學，雖然因溝通問題未能入校隊，但Vicky仍會抽時間練波，返港後更加入藝人籃球隊參與球賽。她說：「打籃球帶畀我好多嘢，細個贏過獎項，同識到朋友，呢種友誼係其他地方搵唔到！希望到60歲、70歲都仲可以繼續打！」

Vicky話戴番啱嘅Sports Bra就唔會令胸大成為做運動嘅障礙。	No Look Pass對Vicky來說只是小菜一碟，認真唔嘢少！	Vicky輕鬆示範跳射。

不滿男士讓賽

Vicky表示中學時讀女校，因此未發展過「籃球情緣」，但不抗拒跟男士約會打波，覺得是另類浪漫：「如果第一次約去街係去打波，我好受(o架)！有共同興趣係更好！」好勝的Vicky常到街場鬥波，面對高大男對手都不怯場，反而不滿男士刻意讓賽：「好多男仔防守我都離得好遠，唔知係覺得我冇料定係驚掂到我，但我唔鍾意咁，咁係唔尊重我！」Vicky擁有E Cup身材，對於有女士覺得胸大是做運動的障礙，她說：「我唔覺喎！呢樣係藉口，戴番適合嘅Sports Bra就OK！」

文：立影　

攝：劉斌