陳綺雯素顏靚過化妝
歌手陳綺雯（Aki）及梁奕藍（Hayden）日前出席美容活動，每人代言酬勞有6位數字，Hayden表示以前不注重護膚，但做代言人後便日日勤敷mask。而Aki亦稱擔任代言省卻不少做facial及買護膚品的錢。
講到平時勤於護膚，問到對自己素顏又可有信心？Aki笑言都可以接受，Hayden則大讚：「直頭靚女，佢素顏仲靚過化妝。」Aki解釋：「因為有一次我哋做facial撞到，佢問我點解做facial都化妝，但其實我冇化妝。」問Hayden喜歡女仔素顏還是化妝？他笑言：「如果唔化妝都靚就鍾意。」兩人又透露明年一月會推出合唱歌，屆時會拍MV及微電影。