孫慧雪自爆醉咗會咬人

留前鬥後晒美背的孫慧雪（雪雪），昨日與模特兒何紫綸（Ann）、組合星座少女出席試酒活動，當中阿雪被問到酒量如何？她自爆飲醉會咬人：「我酒量唔掂，醉咗會咬人。（咬過男友Edwin Lo？）對住佢冇飲，佢都唔畀我飲。」

打扮得如此性感，其實好戲在後頭，雪雪透露將於無綫新劇中有不少Deep V造型：「我劇入面好唔密實，有史以來最大膽。張繼聰仲話我啲衫係咪要11點先播得出街，所以平時見人就密實啲。」問到其富二代男友Edwin會否不滿她作性感演出？阿雪就撒嬌投訴男友：「套劇係出寫真前拍o架，佢都冇理我工作，唔夠關心我呀！」

開餐不顧儀態

談及雪雪與Edwin被拍得到傢俬店試大床，她解釋當日只是幫朋友買枕頭，問到她與男友同居要否添置家具？她笑說：「我好慳家！（感情穩定？）係呀。」同場的Ann被問到平時會否在家調酒益老公？她自認酒量不俗，又說在家為老公調酒當情趣。而她將出書教人扮靚，書中亦會提及做模特兒的黑暗史。

孫慧雪唔飲得，男友Edwin當然要下禁酒令啦。	雪雪在助手陪同下返歸。	雪雪大大啖食，明顯肚仔餓喇！

另方面，雪雪於活動後急急腳與助手離開往醫肚，只見她狼吞虎嚥，毫無儀態大啖大啖食，期間雪雪邊食邊撳電話，似乎是與男友Edwin電話傳情，醫完肚後雪雪即急趕回嘉亨灣的同居寓所慰男友。

文：影視組

攝：追蹤組