黃宗澤張繼聰蕭正楠 挑戰公關災難
靚仔小生黃宗澤在新劇《幕後玩家》中展現成熟一面，首度挑戰父親角色，更與蕭正楠、張繼聰互相合作，在公關界步步高陞。黃翠如與蕭正楠則奉旨拍拖，今次她將挑戰深層次演出，為三子帶來機會與暗湧。
由黃翠如、黃宗澤（Bosco）、蕭正楠（Edwin）、張繼聰等主演的無綫台慶劇《幕後玩家》，將於下周一（24日）晚上8時30分首播。三子互補長短展現交際手腕，以各種手段與口才解決「公關災難」，成為大小事件的幕後功臣。Edwin重遇初戀情人黃翠如後，他與Bosco和阿聰在翠如穿針引線下一步一步往上爬，但亦被迫在珍惜的事物中作出選擇。
黃翠如奉旨拍拖
飾演公關界「鐵三角」的三子穿梭上流社會，展現成熟男人味。監製陳維冠曾與Bosco及Edwin合作青春偶像劇《戀愛自由式》，笑言當年的小子已獨當一面，有足夠經驗演好今次角色。Bosco今次挑戰事業心重的年輕父親角色，演出成熟，其中一場喊戲更令監製印象深刻：「有一場喪母戲佢好投入情緒去演出，當時係喊到成個廠都靜晒，仲要平復咗好耐。可能因為佢單親家庭長大，感受比較多，大家要留意佢嘅演出。」
Edwin與翠如在劇中奉旨談戀愛，在重遇翠如後即展開熱烈追求，頻頻變裝冧女，成功抱得美人歸。問到二人在鏡頭前會否尷尬？監製說：「佢哋都演得好sweet，仲成日被阿聰拎嚟講笑。（現實中都咁sweet？）咁就唔知喇。除咗佢哋兩位，成套劇嘅演員感情都好深厚，好似一個team咁。」他又讚翠如內心戲到位：「翠如畀人感覺係輕巧少女，今次會有想法，影響到佢哋三個，比較深層次嘅演出。
文：影視組