鍾楚紅撩發哥赴中東影相
大美人鍾楚紅昨日現身相展，吸引大批途人圍觀兼舉手機拍照。問是否常被粉絲「野生捕獲」？她說：「基本上都係，我開始接受。（來者不拒？）唔係，我食飯嗰陣都要尊重我，不過食完會主動同佢哋補番影。」
現場展出於世界各地所拍的照片，紅姑坦言最想去伊朗及耶路撒冷等中東地區拍照，問會否為此辦相展？她笑言：「都未去，我都希望，計劃吓，應該唔難，依家政局穩定咗。（唔擔心安全？）其實耶路撒冷唔驚，每年都好多教徒去，不過我應該冇咁快去，因有工作在身。（搵埋鍾意影相嘅周潤發一齊去？）好，研究吓，我諗佢一定會有興趣去啲咁靚嘅地方。」