被抽水「作死」！李佳芯粉絲鬧爆
藝人李佳芯（Ali）最近憑熱播電視劇《巨輪II》及《律政強人》人氣急升，更引來網絡紅人司徒夾帶在網上抽水。雌性大熊貓佳佳前日離世，怎料司徒夾帶竟在社交網貼出Ali的黑白照，留言：「聽講佳佳走咗……咁究竟係吳岱融嗰套（《巨輪II》）定方中信嗰套（《律政強人》）？」
言論引來Ali官方Fans Club公憤，在網上發文譴責：「嚴正聲明：本會對有網絡知名人士（俗稱Youtuber）借逝世熊貓佳佳為名，公開對TVB藝人李佳芯作出抽水式的詛咒及侮辱行為，表示遺憾及強烈譴責。」Ali接受本報電話訪問，大方稱不介意：「我覺得都幾搞笑，其實我就唔太介意，百無禁忌，我係估唔到粉絲有咁嘅反應，但我明白佢哋會唔鍾意。我尊重創作自由，最緊要係唔傷害人。」