方中信小新撞樣 莊思敏邀做生招牌

前晚劇集《律政強人》播出大結局，錄得平均29.3收視點，最高達31點，有逾二百萬觀眾捧場，暫時是今年最高收視的第三位，僅次於《城寨英雄》及《一屋老友記》，成績不俗。在劇中飾演「張強」的方中信更憑此劇人氣急升，加上前日他在九龍城發生交通意外，成為近期的話題王。近日更有網友發現平時chok爆的方中信竟然與卡通人物小熊維尼及蠟筆小新撞樣。

倒模眼眉髮型

由女星莊思敏（Jacquelin）與名媛拍檔陳君宜（Qinnie）投資的點心店昨日舉行活動，剛好引入蠟筆小新的公仔作點心的造型。提到方中信被指酷似蠟筆小新，Jacquelin與Qinnie也有同感，Jacquelin笑言：「我初時唔覺，係後來Qinnie同我講，仲畀咗張相我睇，我就覺得似，下次要叫佢嚟食。（請方中信做代言？）都可以，不過可能係天價喎！」Qinnie認為方中信的眼眉及髮型跟小新最神似。

陳君宜剝咗小新件衫，鹹濕！	莊思華（左起）、莊思明現身支持莊思敏的點心店。	人氣爆紅的方中信到底似小新定維尼？

Jacquelin稱小新是陪伴很多港人成長的卡通人物，加上該卡通片下月將上映電影版，希望能帶旺生意，又指小新有特色，性格衰衰格格，她更開玩笑叫Qinnie要教兒子學識小新會做的事，Qinnie反應甚大說：「小新好鍾意露下體喎！我個仔唔鍾意，佢唔畀我同爸爸睇，要遮住，只有工人姐姐可以睇。」

莊思明發「警告」

胞妹莊思明與莊思華也來捧Jacquelin場，早前思明的男友楊明在直播中與蔡思貝共用一支飲管，猶如間接接吻，思明稱男友事後有向她解釋，但她也忍不住建議：「咁下次如果趕得切就攞兩支飲管，趕唔切就打開蓋飲囉！」言談間似乎甚為介意。談到龔嘉欣最近被指是吳業坤的小三，而她亦曾涉足思明與楊明的感情，思明澄清：「佢冇插入嚟，係有次出trip，佢口快快講咗一句說話，搞咗好多事出嚟。（叫男友避忌啲？）佢自己知，佢緊張自己形象多過我。」

文：名人組