森美爆仔女嫌大牌檔污糟
藝人森美、小肥和陳慧敏昨日出席樂施會「 貧窮源於不公平」籌款及宣傳活動，森美表示過去曾到內地山區探訪農民。問可會帶子女探訪？他說：「都會。（怕唔怕佢哋嬌生慣養？）怕o架，試過有次帶佢哋去大牌檔食嘢都嫌地方污糟，但佢哋愈抗拒愈會帶番佢哋去，唔想畀佢哋揀飲擇食。」
森美表示大仔讀中二，細女讀小五，他問過細女想做甚麼職業，細女說要學他做藝人或電台主持，但他不想，笑謂：「我就話好彩啫，我怕個女冇我咁好運，不過我都有同佢講，入行都得，要讀完醫科就可以。」女兒可考慮參選港姐？森美竟踩女兒：「佢又冇咁靚喎，不過太靚唔好，太靚我就唔捨得畀佢長大。」可會倣效徐濠縈宣布追B？森美自問沒有這魄力。