o靚模姜紫藍拍拖兩個月閃嫁太子爺！
身為首代o靚模、曾與女星Angelababy對撼推出寫真的姜紫藍（Color），原來已於上月申請與家族從事漂染生意的太子爺結婚！兩人拍拖兩個月就決定結婚，並在明年年底於峇里舉行婚禮，她否認有喜才急急拉埋天窗！
今年32歲的姜紫藍（Color）2008年曾參選亞姐，翌年推出寫真，憑33D火辣身材成為宅男女神，當年o靚模盛行，她曾笑說不介意被指是o靚模，更揚言賣點並非單靠身材，還有人格和內涵！近年少在幕前演出並開始擔任形象指導的Color，為一圓作家夢，常埋首創作並先後推出散文集，期間更被台灣書商賞識引進其作品。正當以為她全力向作家路前進，Color原來已覓得有情郎，相識兩個月便立即結婚！
欣賞白手興家
昨日本報發現Color於9月30日申請的擬結婚通知書，新郎名字為劉瑞庭，Color及後接受本報電話訪問，透露兩人拍拖兩個月，男友家族是從事漂染生意，惟他未有繼承，反而白手興家開設投資公司。Color說：「呢點係我好欣賞佢嘅地方，唔靠屋企自己打拚。（仲欣賞佢咩？）做家務！佢會做家務，洗杯仲洗到一塵不染，成個暖男咁。佢好錫我，唔畀我做家務，咁我惟有幫佢按摩報答佢。」Color大讚男友細心又照顧老人家：「上個月我同佢同埋我爸爸去日本旅行，佢好有耐性同照顧我爸爸，我見到都即刻加加加佢分，佢真係好完美，係好老公。」
由於Color說明年底會在峇里島行禮及影結婚相，加上只拍拖兩個月便閃婚，隨即令人揣測是否有喜而急急結婚？
父母以為有咗
Color笑言：「唔係有BB，連雙方家長聽到我哋要結婚都問我哋係唔係，否認之後，佢哋以為我哋驚BB小器唔認，但事實勝於雄辯，遲啲大家咪知我有冇囉！」
她續說：「我哋係朋友介紹，第二次見面已經認定對方，覺得點解要錯過成30年先遇到大家，所以我好明白大S（徐熙媛）當日閃婚心情，遇到啱嘅人真係要結。（之後返香港擺酒？）考慮啦！」她續說峇里婚禮只邀請雙方家長出席，揀選地點是內地女星楊冪及劉詩詩出嫁的BVLGARI酒店。
文：專案組