蒙嘉慧叫伊健「同屋主」

藝人蒙嘉慧（YoYo）、艾威、吳耀漢、鄭敬基等昨日宣傳以迷你倉為題材的電台劇集，問YoYo可有使用迷你倉？她笑言：「冇，我好鍾意同人分享，有啲唔係我嘅遊戲機都會拎嚟睇吓有邊個啱用。（老公鄭伊健嘅？）同屋主啦。」她又稱明年參與藝術電影，會積極做運動及跳現代舞，但被老師笑弱雞：「間中同老公去旅行踩單車，上斜同佢鬥，返到嚟啲筋硬晒，我同佢講話唔好再踩單車。（有冇跳畀老公睇？）有拉筋佢睇，有啲佢都做唔到。」