黃建東獨特口音疑惡搞JM

藝員黃建東近日迷上二次創作，繼惡搞日本熱爆洗腦神曲《PPAP》後，再模仿網民近日熱烈討論的「文詠珊（JM）式口音英文」，以中英夾雜的方式錄短片。講到今次模仿JM，他說：「呢條片唔係惡搞JM，係因為我接觸過好多好特意強調R音嘅人，好似想強調自己係竹升咁，係想笑呢班人。（唔怕引人誤會你寸JM？）唔會，我訪問過JM！佢好Nice，我都好期待再見。」黃建東更表示會向YouTuber目標努力：「上次拍《PPAP學廣東話》意外地獲得好反應，其實一直想將歡樂帶畀大家，但拍劇未必有機會搞到笑！」