余震東處男作Rock得《激》

新人歌手余震東近日將經典歌曲《激光中》重新編曲，推出較為Rock的版本，他說：「今次搵嚟《激》嘅原作人林慕德老師重新編曲，其實我哋一齊做音樂都有一段日子，自己想推出一首新歌但又唔知出咩歌！作為新人係要人哋去認識我先，所以就喺林老師嘅作品入面揀，最後就揀咗呢首歌，都作咗半年左右。（有難度？）我又冇咁諗，首歌入面都加咗我嘅創作，音樂元素同舊版本好唔同，都幾有特色。」早前與甄詠珊等合演舞台劇的余震東坦言只是機緣巧合：「咁啱公司叫我去Casting，個導演搵咗成六、七個人都唔啱，公司話我留鬚個樣好滄桑，咁導演見完我話覺得幾啱，真係誤打誤撞！」