周星馳落Ｄ靜晒唔溝女
80年代Disco荷東曾在香港紅極一時，為慶祝荷東音樂誕生30周年，主辦單位於11月在港舉行《荷東紀念演唱會》，並邀得當年原唱的幾隊外國歌手演出。昨日舉行的記者會上，陳百祥（阿叻）、陳欣健、Joey Tang、向雪懷、演唱會主辦商黃特平、搞手DJ楊振龍，以及有「真人Barbie」之稱的烏克蘭女星Valeria Lukyanova等到場支持。當年有不少中文歌都是改編自這些外國舞曲，包括譚詠麟（阿倫）的《我愛雀斑》便是改編Gazebo的歌，故阿倫、阮兆祥及雷有輝等都拍片支持。
飲醉瞓車廂
記者會上，阿叻與陳欣健分享當年去蒲的趣事，更大爆巨星趣聞！身為荷東股東之一的陳欣健踢爆鄧麗君、洪金寶、楊紫瓊、柯俊雄及成奎安等都是荷東座上客，又爆鄧麗君在生日派對上感動流淚，但於12時前就要走，因為男友催她離開。
而阿叻則表示以前一收工就趕去蒲，又踢爆成奎安、陳惠敏等「惡人」去到荷東反而會畀人恰：「所以佢哋之後就拍喜劇，因為有不同一面。同埋嗰度好易結緣開戲，因為好多電影老闆成日去。」阿叻又爆當年晚晚飲到「貓晒」：「我哋晚晚都醉，試過調轉車頭行，醉咗嗰幾個又會一齊喺車度瞓。」陳欣健笑着說：「瞓醒都唔知去咗邊！」二人又透露跟演唱會贊助商合作推出紅酒。
楊振龍拉攏阿倫Jam歌
至於當年負責打碟的楊振龍，踢爆最飲得是劉嘉玲及已故天后梅艷芳，而跳舞最勁亦是阿梅，不過講到溝女，他踢爆曾跟多位女星傳緋聞的周星馳當年竟然很靜：「佢嗰陣主持《430穿梭機》，佢好靜，淨係坐埋一邊聽歌，冇乜點講嘢。」他又希望靠阿叻拉攏，邀請阿倫跟原唱者Gazebo一起Jam歌。
文：音樂組