林超賢放長線剝彭于晏光豬
台灣型男彭于晏及內地影帝張涵予出席電影首映，第三次跟「魔鬼導演」林超賢合作的彭于晏笑言上兩次要騷肌或着單車褲，今次終於「有衫着」！不過林導似乎未有打算放過他，笑言要再合作，直至將彭于晏剝清光！
前晚彭于晏、張涵予及林超賢在港出席電影《湄公河行動》首映，彭于晏在台上搞笑地「投訴」導演：「合作三次，終於有機會演出他最拿手的槍戰戲，也是我第一次有這麼多衣服穿，以往嘛，只得薄薄的單車褲或短褲造型呢！」
張涵予估計收14億
電影在內地上映五天，票房衝破3億元人民幣（約3億4,800萬港元），張涵予指照走勢看，有信心票房能收逾12億（約13億9,400萬港元），並指要用「男人的方式」慶祝，林超賢即說：「佢呢排喺日本拍戲，食咗好多黑毛和牛，叫佢帶返啲請我食！」問到慶功安排，林導開玩笑說：「又叫彭于晏除衫？咁我開多幾套戲畀佢，每套除一件，梗會除到最後嘅！」
絕密版網上有得睇
談到拍《湄》片超辛苦，兩位男主角大叫值得及過癮，問會否開續集？張涵予笑說：「彭于晏的角色犧牲了，如果他沒死，相信造型要變成鐵腳神腿，去交代他遭炸傷了，即使可以（開續集）也不要太快，兩年後的事吧。」林導則指兩人檔期難夾：「彭于晏下場其實拍咗兩個版本，我剪好另一個版本，加插啲未曝光片段，遲啲網上有得睇。」彭于晏即指「導演版本」他有個特別造型：「保證大家認不出是我！」
同場的新人麥芷誼日前被拍得「轉行」當售貨員，午餐飲清水食麵，她解釋只是做兼職，多謝老闆、同事的遷就，目前她要做電影服裝、美術指導，未能返工，希望能留住個位，總之她仍未放棄幕前演出。經濟方面，她坦言盡量會拎家用畀屋企。
文：影視組