軒仔寸王菀之「脂」質勁
即將合作開騷的張敬軒與王菀之（Ivana），日前接受TVB娛樂新聞台節目《StarTalk》主持許文軒訪問，Ivana大爆軒仔有意在演唱會騷舞技，軒仔即取笑她的舞姿：「見字如見人，佢寫啲字圓碌碌肥嘟嘟咁，佢舞姿（冇脂）？佢有大把脂啦！脂肪個脂！」
軒仔更爆料指Ivana媽咪的舉止同樣令人摸不着頭腦，他說：「你以為Ivana絕頂，佢媽咪更絕頂，有次喺新加坡，Ivana無啦啦高八度咁嗲佢媽咪，話想食蟹鉗，佢媽咪話『好好好！等媽咪整畀妹妹食！』仲要點埋汁畀個女！都幾廿歲啦！搞到我雞皮都起晒！」