蔡少芬張晉教女輪流做衰人

女星蔡少芬（Ada）昨日與老公張晉拍攝澳至尊廣告，她表示很樂意夫妻檔搵錢，笑言過程如二人三足。而張晉被問到酬勞是否由老婆袋晒？他笑說：「老婆喺屋企做財政司司長，佢負責管錢，我乜都唔識，佢將錢畀我打理仲大壓力。（囡囡嘅嘢就一齊傾？）除咗錢呢啲小事，其他嘢佢話唔到事！呢啲嘢要一齊傾，我着重囡囡生活快樂。」Ada強調大家的教育方針一樣：「唔會由一個人做衰人，爸爸教女嗰陣，我會喺旁邊話『爸爸教得好，爸爸好嘢！』」