阿倫克勤飲食王國衝出亞洲

校長譚詠麟與李克勤開設的「左麟右李」粥麵燒味專門店，昨日於銅鑼灣舉行喬遷之喜典禮，兩人在新店內主持剪綵儀式，切完燒豬又為金獅點睛，場面熱鬧。

難覓人流多舖位

自克勤過檔英皇後，兩人首次於公開活動上合體。校長邊食燒肉邊接受訪問，他說：「生意上keep住有合體嘅。」克勤亦說：「呢個同唱片公司冇關嘅，佢唔會抽我佣o架。」「左麟右李」在香港、澳門、上海及馬來西亞已有約十間分店，問到可會再開？克勤笑稱應該不止再開一間，已準備很多剪綵金帶。不過校長坦言人流多的舖位比較難搵。記者笑指校長應該有很多舖位揸手，他笑說：「要啱先得，寫字樓嗰啲冇用。（好多棟寫字樓？）我唔敢答你。」

唔想太快做老爺

問到是否想打造「左麟右李」的飲食王國？校長坦言希望有這一天，但知道並不是一件易事。克勤亦指開店容易，但要維持食物水準很困難。至於可有計劃上市？他們說：「鞏固多啲先啦，同埋中國都仲有好多省份。咁大嘅版圖，有好多(o既)進步空間。（衝出亞洲？）紐約都可以嘅，但一遠呢，請人就好煩，唔容易，派人去睇住都需要時間同成本。」提到校長身在外地讀書的兒子譚曉風，是否被很多女仔追求？會否很快做老爺？校長反應甚大說：「大吉利是！唔使咁早，見識多啲先啦，成個森林都係。」克勤亦說：「溝吓冇乜嘢嘅，後生仔。」

「左麟右李」昨日喬遷之喜，眾人於店內進行剪綵儀式。	阿倫心急食燒豬，不介意親自「操刀」。	阿倫帶埋媽咪到場，兩母子心靈相通舉起V字手勢。

文：音樂組　

攝：鄭家俊