冇仔陪點過？My情報畀媒人超蓮
JW撻着闊少男友，忙於拍拖的她人前人後甜蜜蜜，經常被目睹Sweet到爆地以手機傳情，而沒有男友在身邊的日子，JW車輪轉搵閨中密友何超蓮及鄧紫棋（G.E.M.）相伴！日前深夜12時，JW約超蓮到跑馬地食消夜，兩個好友密密斟，全程細聲講大聲笑，食到凌晨2時始步出，只見JW一臉冧爆雀躍表情，似是剛和好友分享完戀情！
事隔數天，又到G.E.M.登場，當晚8時許，JW乘坐7人車離開寓所，直往中環荷李活道一間餐廳，會合G.E.M.等友人邊食邊傾，食足兩個多小時始離開，登上的士回家休息。有拖拍心情靚，加上密密食不停，JW近月明顯心廣體胖，腰肢和大腿都相當圓潤，一身幸福肥。G.E.M.對JW拍拖一事守口如瓶，只透過電話簡單回應：「我唔八卦嘅，你問番佢本人啦！」由於其好姊妹超蓮與Tarzan相識，問到是否由超蓮拉紅線？G.E.M.封口說：「你問番佢本人啦！」
