朱潔儀遊敦煌靈感大爆發

港姐畫家朱潔儀（Donna）早前到敦煌欣賞「莫高窟1650年紀念音樂會」，順道遊覽一番。她大讚古蹟莫高窟和榆林窟的璧畫令她大開眼界，由於窟內不少地方都屬受保護文物，必須事先申請才可入內參觀，慶幸有朋友帶路的她說：「最特別係睇到古人畫嘅璧畫，啲顏色過千年都冇脫落，好厲害，亦啟發咗唔少創作靈感，依家我都打算畫一幅有關敦煌嘅畫作。」Donna其後去了鳴沙山沙漠，沙粒又軟又舒服，惟天氣乾燥，太陽又猛烈，令她要晚晚敷面膜保濕。