甄子丹帶仔女行善送暖
徐子淇早前邀請甄子丹擔任慈善組織大使，到訪廣州的子丹被當地「流動兒童」的遭遇打動，坦言若有機會會帶同子女行善，讓他們體會更多。他指女兒年紀尚輕，但聽聞其他小朋友的不幸遭遇後，亦會眼濕濕。
名媛徐子淇「睇中」甄子丹Family man的形象，透過汪詩詩拉線邀得子丹擔任由她贊助的慈善組織「香港救助兒童會」大使。本月初，子丹隨隊出發到廣州探訪一班「流動兒童」（隨家庭遷徙，四處棲身的小朋友），此行令他印象難忘。
小妹妹畫畫致謝
兩人昨午出席記者會分享感受，子淇活動後笑指是子丹的「主場」，故婉拒受訪，而子丹說：「喺廣州探咗個小妹妹，佢爸爸喺工廠做，就咁喺隔籬搭咗間房仔，一家五口同住。小妹妹最大樂趣只係去圖書館，但仲要幫手湊吓兩個細佬妹。佢想畫畫送畀我，睇得出佢嘅畫具已經好殘舊。」而子淇席上親手轉交妹妹完成的畫作，並送給子丹留念。
子丹坦言只要時間許可，就會安排子女隨行出席慈善活動：「我帶過佢哋去深水埗探低收入家庭同新移民，我個女大啲比較懂事，有時會眼濕濕。個仔雖然平日頑皮，不過佢對住幾個表弟妹（汪圓圓子女）表現好Gentle，睇得出佢好有愛心。」
新片演技大考驗
此外，他剛完成王晶新片《追龍》的泰國外景拍攝返港，透露今次集中挑戰演技：「因為係劇情片，所以唔使點打，真係舒服晒！我唔知點解王晶會搵我，但作為演員係要有膽識同勇氣，接受唔同嘅挑戰。」
文：影視組