張敬軒向王菀之下禁慾令

一向是最佳拍檔的軒仔和Ivana，今次一齊踏上紅館，Ivana表示通常開演唱會前都會瘦，她希望事業和磅數與軒仔能共同進退。軒仔即說：「係130磅。」當全場笑爆軒仔踢爆Ivana體重時，Ivana反更正是136磅。講到台上跳舞，軒仔自封是「深水埗Beyonce」，Ivana就自稱「牛池灣鞏俐」。

人妻收半裸照

問到Ivana想減磅多少？她說：「40磅啦！（講到咁大？）講吓之嘛！軒仔佢都好頭痛，有時好瘦，有時就見到好大隻，仲影埋啲半裸照send畀我睇。」軒仔笑言這叫留倩影，但Ivana已是人妻，故不敢再給她看。軒仔稱之前在網上叫歌迷上載兩人合照，重看舊照似「整容前後」，他有很深黑眼圈，而Ivana自覺當年很清純，連妝都不用化。

加場銷情理想

問到可擔心開騷前有喜？Ivana說：「應該唔會嘅！」軒仔即下禁慾令：「咁你盡量少啲喺屋企做啲操勞嘢囉，唔好『擔擔抬抬』啦！」至於因內部訂票反應熱烈，原本三場已加至四場，於昨日正式公開發售，記者走訪售票處，兩場貴價飛只剩單丁座位，平價的門票更全部沽清。問到公開售票可像其他演唱會只放出少量門票，軒仔坦言相關問題已向公司反映，亦明白有一定數量門票留給贊助商，希望不能第一時間買到飛的歌迷多多包涵。

王菀之搞乜幫張敬軒捉蝨？

即將榮休的吳雨搞笑指住張敬軒抽提子。

將榮休的英皇娛樂行政總裁吳雨亦有到場，他稱是在早幾個月前決定退休，下月30日會舉行晚宴，屆時全公司藝人都會出席。

文：音樂組　

攝：秦健輝