張繼聰解情意結唔瞓都拍
張繼聰（阿聰）落實接拍無綫50集新劇，有指因他對《老表》系列第3輯有情意結，故寧犧牲休息時間也堅持接拍，可惜因檔期問題，阿聰只能客串，拍攝六、七集。
昨日阿聰在電話承認：「係呀，我兩個劇都會接拍，對《老表3》我真係有份情意結，因為呢個劇，我有機會畀大家認識，同埋我真係好想同郭晉安呢啲咁好戲之人合作，而且過往我同整個班底、演員都合作得好開心。（喺《老表3》做咩角色？）未知。（兩個劇一齊拍咪冇得瞓？）都唔會疊得好犀利，其實兩個劇中間，我仲要拍多部電影添，我都試過呢類情況，遇上咁好嘅劇同演員，瞓少啲都冇所謂啦。」