祖藍談演藝之路眼泛淚光

藝人王祖藍及汪明荃昨日到演藝學院出席「我的演藝之路 機遇與挑戰」講座，祖藍分享往事，他眼濕濕說：「我細個讀書唔得，但鍾意唱歌做戲，入到演藝，因為個樣同身高，前後五年冇做過主角，我搵書睇、搵嘢學，後嚟爸爸過身，要靠綜援同獎學金支持住，我同爸爸講過，希望佢睇到我做主角。2003年畢業作品係我最後機會，幾經辛苦終於得咗，我感動到攬住啲同學喊，但撞正沙士，雖然戴住口罩綵排，但挑戰就係機會，呢段經歷我永遠記得！」