伍允龍認愛過鍾嘉欣 劉佩玥讚勇氣可嘉
歌手許志安、藝人劉佩玥和沈震軒等前晚在將軍澳電視廣播城，參與無綫節目《善心滿載仁愛堂》直播。談到緋聞男友伍允龍在電台節目認與舊愛鍾嘉欣「有過關係」，劉佩玥讚伍允龍態度大方：「都幾勇氣可嘉。（會加分？）不嬲佢個分都幾OK。」問會否覺得男方太遲認愛？她認為兩人當時有共識：「有啲人鍾意低調，有啲人鍾意高調。（你選擇同佢地下情？）冇呀，我哋一直都係朋友關係。」
安仔10月底上映的新戲《兇手還未睡》將會參加影展，他指會盡量抽時間出席影展。問到未來想挑戰甚麼角色？他笑稱：「變態殺手都得。（想做影帝？）目標嚟，我貪心啲，講吓冇所謂嘅！」至於11月與無綫約滿的沈震軒坦言仍在考慮續約：「都有搵我傾續約。（條件唔啱？）我野心大，想試唔同嘅嘢，都希望公司畀到我。（太陽娛樂都想簽埋你演員約？）都有傾嘅。」
