又有新歡喇！余文樂擁600萬超跑再送鑽石畀阿媽

藝人余文樂（阿樂）靚仔又有錢，入行16年，一大堆緋聞女友及擁有的「名車隊」同樣恨死隔籬！前晚阿樂在社交網「放閃」，大晒其盛惠近600萬港元的黑色新寵「McLaren 675LT」限量超跑，全球僅得500部，香港配額得10部，這架「辣嘢」標榜「輕身疾走」理念，Twin Turbo引擎最高可去到675ps馬力，由0加速至100km/h都只係2.9秒，真係快似閃電！一班「得個恨字」的網民今次冇「吃不到的葡萄是酸的」，不停留言指「帥翻」，亦有人好心提醒阿樂「玩還玩揸車最緊要安全」，更有網民覺得「齋睇」唔過癮，要求阿樂「錄引擎聲聽吓」，跪求他拍片分享更多超級辣跑詳情。

連環掃貴車大把「玩具」

阿樂買入這架600萬名車前，於今年2月已以300多萬買入掛上自訂車牌的PORSCHE 911 GT3 RS，2016年未過，已先後大手筆買入兩部超跑！另外，8月時本報拍得他駕駛另一部價值約200萬的Audi新車出巡，而新座駕則掛上自訂車牌配合其英文名兼大玩粗口諧音，玩味十足！其實阿樂先後曝光的名車多達10多架，除以上三部外，還有平治、兩部林寶堅尼、寶馬及四驅車等。

預咗被鬧亂使錢

另外，阿樂最近忙於健身，欲以最佳狀態為下月開拍的新片做好準備，未正式開工前，他亦相當忙碌，昨日出席朋友新店開張活動後，晚上又趕做孝順仔為母親慶生，他豪氣地送上黃鑽頸鏈給母親作生日禮物，留言：「我媽從來都是一個很節省（儉）的人，永遠都不敢亂花錢，我知道你想有一條項鏈很久，可是永遠都捨不得買…，今天我知道你又一定會罵我亂花錢，但我不管，我要把最好的送給你，因為你是我的最愛。」

文：音樂組