趙哲妤哭訴搞大個肚追舊愛贍養費

現年28歲的前中國小姐趙哲妤（Uny）昨日出席活動時，驚見腹部明顯凸起，當被記者追問是否懷孕時，起初支吾以對的她最後含淚坦承目前雖然單身，但已懷孕半年，預產期於12月底！據知，一向緋聞多多的Uny私下有一位拍拖兩、三年的圈外男友，對方比她大十年，是一位未婚且從事金融業的生意人，經常不在香港，故兩人見面不多。兩人曾於去年分手，但仍斷斷續續見面，可謂「掟煲唔掟蓋」！怎料，Uny於3月中發現懷孕，於是與男方商討，但他卻擺出一副愛理不理的姿態，令Uny不知如何是好！雖然戀人關係似有還冇，但Uny沒有想過墮胎，疊埋心水打算自己湊大BB！據知，男方已有新歡，Uny亦知道要男友回頭並非易事，故只打算向對方追討贍養費，希望對方負起養育上一部分責任。

受壓轉口風：感情安穩

Uny昨日以超緊身短裙示人，明顯見到肚凸凸，起初表示沒有經期半年及每個月去睇醫生，但記者追問是否有孕時，她開始支吾以對，再細問是否準備與男友結婚及共同照顧BB時，她竟表示未與男方討論過，又未得對方同意故不想公開，只透露很遲才發現懷孕！當被追問是否已經與男友分手等問題，Uny明顯被觸及痛處而顯得不知所措，突然爆喊說：「唔知！我依家係單身，冇諗過搵人負責任！」意味着她準備做單親媽媽，並指家人不相信她懷孕，工作上亦需要再安排。不過，記者在活動後致電Uny問到有關贍養費的問題，她未知是否因新聞報道而受壓，態度180度大改變：「唔使，大家都會負責！因為佢唔係圈中人，唔方便公開，所以大家都對外講我哋係單身，大家咁耐感情，係安穩！」還表示對方是一位合格的爸爸。

分手陷財困 趙哲妤因舊愛關係而陷財困，搞到早幾個月前被拍得變賣手袋。

趙哲妤身穿貼身裙驚現肚凸凸，追問之下承認懷孕六個月！

有能力做單親媽湊B

記者又聯絡Uny經理人Karl，他在電話中表示早知對方懷孕一事，亦承認腹中塊肉的經手人是金融業生意人。問到Uny是否一心打算做單親媽媽？Karl說：「唔想咁講，佢話冇諗過要任何人承擔責任嘅意思，係佢自己有能力去湊大BB。佢男友成日唔喺香港，要畀啲時間佢哋一齊去處理，至於錢同照顧自己身體方面，Uny係有能力嘅！」談到Uny的工作，Karl表示已排到10月中，原本安排她於10月底到北京學戲，目前要因應身體狀況才再決定。

文：影視組