李泳漢收柯打再追B女
李泳漢前晚為兒子李浩榮舉行百日宴，期間與兒子及太太嚴佩鈺、弟弟李泳豪、母親施明及父親李家鼎拍攝「三代同堂」全家福，場面溫馨！而升任「嫲嫲」的施明就向BB送金牌項鏈，寓意乖孫長命富貴，更即場催泳漢再努力造人，追番個B女，湊個「好」字。
泳漢表示今次筵開九席齋宴，更請來喇嘛到場。談到早前稱有意送囝囝做小喇嘛，前晚他笑言太太終於開綠燈：「佢最初唔願意係因為唔想同囝囝分開，後來知道係對囝囝好。我想個仔學佛法，將來可以面對世界，呢樣好過留啲錢畀佢。」泳漢又表示會將齋宴所得的利是扣除支出後，捐到佛教機構，幫囝囝積福添壽。
泳豪期待着叔姪裝
問到囝囝在家是否被寵成「小少爺」？泳漢笑指囝囝最怕「叔叔」李泳豪，只聞其名即會嚇到收聲不再哭：「佢會蝦我老婆，但就好驚我細佬，因為佢成日黑面扮醜人。」至於泳豪表示送了BB衫，希望將來能穿叔姪裝，並說：「泳漢生咗仔，咁生女交畀我！（搵咗對象？）隨緣！」
文：影視組