江欣燕丁父憂「榮幸做佢個女！」
江欣燕父親江從光於9月21日因淋巴癌逝世，昨日她接受電話訪問時透露父親去年10月確診，於化療期間染病引發併發症：「無諗過個病會令佢咁急離開，做緊化療抵抗力差啲，因為冷親入咗醫院，醫生就再Check到佢癌細胞擴散到肺部，血含氧低。」
她目前停工一周與妹妹江希文籌辦父親後事，喪禮訂於10月8日以基督教儀式舉行，她指母親的心情是最痛苦：「爸爸曾經講過，想媽媽喺佢喪禮上致詞，媽媽就即刻爆喊，爸爸咁做都係想媽媽接受，其實爸爸最擔心嘅就係媽媽！」一直平靜的欣欣在結束電話訪問之際突然失控爆喊說：「想同爸爸講一句，我好榮幸做到佢個女！」