李佳芯坐正畀阿媽嫌棄
李佳芯（Ali）與黃智雯昨日分別晒腿及露肩宣傳劇集。講到首次擔正女主角，Ali竟說：「我阿媽有睇，話我好似乜都冇做過咁，好傷心！」她解釋頭十集主要是男人戲，預告其戲份之後會愈來愈多。
藝員曹永廉、李佳芯、黃智雯（Mandy）及張曦雯等昨日到觀塘宣傳TVB劇集《律政強人》，大玩以足代手的桌球遊戲，一眾女演員齊派福利，Ali露腿、Mandy騷膊、曦雯則露腰，Ali笑言她們是分工合作，一人露一啲。對於兩位男主角方中信及廖啓智再缺席宣傳，Mandy笑說：「佢哋係壓軸嘉賓，之後收視愈好，佢哋就會出現，方生請食飯就一定要啦，佢喺內地搵咁多！」
Ali及Mandy表示劇集口碑佳，身邊好友均讚劇情緊張。談到首次當女主角，Ali搞笑地說：「我阿媽有睇，話我好似乜都冇做過咁，好傷心！可能好多觀眾都係咁諗，其實頭十集係鋪線，開頭主要係兩位男主角，之後我哋班女仔會多啲。」Mandy亦說：「慢慢各個人物性格會具體啲，我角色都亦正亦邪，好多內心戲。」
曹永廉難忘咀祥仔
至於前晚一集播出阿廉與何綺雲有激咀戲，台上阿廉笑言不敢叫老婆睇，之後笑指幾乎套套劇都有咀戲，十分着數，但最難忘卻是十多年前與黎耀祥拍戲上演的「同性之吻」，他大讚祥仔好咀：「估唔到佢個唇好滑，又脹又軟，仲好咀過啲女仔。（念念不忘？）唔係，因為第一次錫男仔啫！」他又表示曾與陳潔儀及蔡少芬拍Kiss戲，問到老婆可有呷醋？他笑說：「都冇辦法，唔伸脷就ok！」
文：影視組