英皇中環插旗5千萬打造高檔戲院
本港經濟發展雖然不明朗，不過英皇電影對影業前景抱有十足信心，近日於中環租用黃金地段商舖，斥巨資開設旗下第一間戲院，身為集團主席的楊受成博士更「下令」相關部門繼續物色合適地點，務求在本港院線方面大展拳腳！身為旗下藝人的任達華聞訊大表雀躍，打趣說：「可唔可以受埋我入股呀？」
英皇電影近日睇中中環娛樂行地點優越，與業主達成租用合作協議，預算投資約5,000萬港元打造旗下第一間戲院，目前已交由則師繪圖設計，初定明年投入服務。
四百座位明年開業
談到首次投資開設戲院，英皇電影行政總裁利雅博表示：「我哋暫定會開設三、四間house（影廳），提供約四百個座位，以咁嘅投資相信戲院所有設備都會係優勢嘅，（戲院）會走高檔路線，戲票價格稍後才有定案。楊生對影業前景抱有信心，佢叫我哋放膽繼續去物色中環以外其他合適嘅地點，唔排除好快就會有第二間（戲院）出現。」他又指開戲院屬長線投資，相信回本期可能長達五、六年。
利雅博坦言與1990年代相比，香港戲院數目下降足足六成，市場出現嚴重「underscreen」（缺大銀幕）的情況，英皇睇準「時機」，決定於院線方面大展拳腳：「喺香港今次算係第一擊，但英皇其實喺內地不同省市包括上海、合肥、佛山等地已開設多間戲院，呢方面嘅工作會繼續，一定唔會放慢腳步。」
容祖兒向影圈發圍
他又指英皇電影會維持每年起碼六至八部製作，以配合旗下戲院數量持續增加的需要，利雅博說：「2017年已成功羅致內地名導演姜文及馮小剛效力，馮小剛新戲會喺下半年開拍，姜文就鐵定春節過後就會開拍改編自武俠小說嘅《俠隱》，今年年底，我哋會先改編開拍東野圭吾小說《解憂雜貨店》。」
英皇旗下藝人任達華、容祖兒及Twins等對公司開設戲院大感雀躍，任達華笑言：「我出年都會再執導演筒，梗係希望有機會嘅話，老闆（楊受成）肯投資啦！其實可唔可以受埋我入股（開戲院）呀？」祖兒則透過經理人表示：「當然支持啦，咁樣影業會更見蓬勃，我都想喺電影方面有更多嘅發展。」Twins則說：「楊先生好犀利喎，希望可以快啲喺銅鑼灣同尖沙咀開戲院，我哋行街去到邊睇（戲）到邊，咁就very good嘞。」
文：影視組