王宗堯寸莊端兒：又唔係真做，講演技啫！

日前本報踢爆藝人張致恒（Steven）背正印女友莊端兒「偷食」台妹Doris，之後莊端兒聲淚俱下聲稱已分手數月，日前更主動開記者會再強調已分手外，更突然宣布要跟經理人公司星韜解約，並說在合作期間有人要她做「超越底線」的事！昨日有傳「超越底線」的事，就是星韜要她接拍由王宗堯執導的新戲《西謊極落之作家的謊言》，由於戲中有不少意識大膽的場面包括口交，有傳莊端兒以宗教理由來推卻，而星韜也尊重其意願而推掉。

莊端兒網上發炮

就推戲事件成為解約導火線，昨日莊端兒在社交網站發炮留言，聲稱有宗教信仰而拒拍，並要向公司口頭及書面解釋原因，她留言：「係咪覺得女藝人推部有性愛同口交場面嘅戲係我嘅錯？人地黃（王）宗堯一知道我推根本就冇再搵我啦！你咁想拍你自己拍囉！做咩要做到咁啫？」至於星韜發言人表示一切已交由律師處理，不作任何評論。

「佢唔係不可或缺嘅演員」

昨日王宗堯接受本報電話訪問，直言現在成為解約導火線之一時，感到莫名其妙，王宗堯說：「同莊端兒經理人公司一直溝通得好清楚，部戲絕對係以演員行先，唔會露點，唔係三級片，唔會有裸露部分。我哋見都未見過，佢好難由一兩場嘅戲，嚟斷定到部戲講乜！」王宗堯強調大膽場面非賣點，更說現在時下不少電影或劇集即使出現大膽場面，都是生活化的描述。他說：「只係意識上交代，又唔係真做，唔係刻意賣弄，好似我都有拍過裸跑戲咁，着墨唔喺呢度，就算之前林保怡拍劇，劇情話沖沖吓涼，唔着褲出去聽電話，都係合情合理！」

王宗堯續說當初以為莊端兒拍過寫真，認為她可能會接受，他說：「好似陳嘉寶咁乖乖女，當然唔會搵佢拍，見莊端兒拍過寫真，諗住佢接受到大膽嘅嘢先搵佢！佢唔係不可或缺嘅演員，唔係話好有成績或者演技好好，佢唔係頭三個可以考慮嘅人選！我唔明白點解佢攞呢啲嘢出嚟炒新聞！當初（星韜）溝通完，話佢唔肯唔適合，我哋都好尊重佢，都冇再跟進，所以唔明隔咗咁耐，點解再仲提呢件事！」

呂晶晶斥不擇手段

另外，日前呂晶晶以「反骨」形容莊端兒，昨日呂晶晶再在微博向莊端兒開火！她留言：「看到連日來自編自導的新聞，像拍劇一樣充滿娛樂性，沒有老闆，很多人根本都不知道莊小姐是誰……這樣不擇手段，就算成功還有公司敢簽這種人嗎？食碗底反碗面（食碗面反碗底）的人，大家都避之則吉！」

文：專案組、音樂組