鄧小巧收身唔睇磅數減脂肪

歌手鄧小巧日前到電台宣傳新歌《強弱》，並透露邀得王菀之（Ivana）及藍奕邦為她作曲填詞，問到可想跟Ivana合唱？她笑說：「嘩，唔敢奢望。」她指新歌整喊了不少朋友：「啲網友話唔開心時聽我首歌係崩潰，其實我好鼓勵人喊，有研究發現喊係會令人內心堅強。」她自爆錄音時亦有喊：「一嚟首歌編排好好聽，二嚟係諗番自己行過咁多嘅路都勇敢面對。（例如被抨擊外表？）好多嘢，仲有將來、好多嘢冇信心等等。」她表示現時忙於收身：「係想要番啲線條，依家減咗一公斤脂肪，體重冇變，但啲肌肉增加咗，腰、腳都明顯瘦咗，目標想減五公斤脂肪。」