泳兒不排除閃婚 : 嗰刻到就OK
歌手泳兒與髮型師男友Ziv拍拖五年，談到相處之道，她坦言男友令她改變不少：「佢係一個比較感受人生嘅人，呢方面令我知道生活唔係淨得工作，所以呢兩樣嘢溝埋就係好，本身我哋係兩個極端。（一開始唔慣佢呢啲價值觀？）有時都會忟，但某啲時候會覺得自己太緊張，兩個人相處之道係要搵到個方法。」雖然間中有吵架，但她指影響不到感情，反而更可知道對方想法。
問到可有計劃組織家庭？泳兒說：「以前可能要30歲前結婚生仔，但依家過咗就唔Set，好多嘢唔Plan係好啲，可能到有一刻突然想嘅就會做。（接受閃婚？）接受到，嗰刻Feel到就OK。」她坦言沒有正式跟男友傾結婚，問到是否認定對方是結婚對象？她說：「呢個我唔敢講，覺得依家呢個狀況係幾開心，將來嘅嘢冇人知，如果我哋關係愈來愈好，咁絕對係有呢個可能性。」
髮型：Ziv.Y（www.pi4.com.hk）
化妝：Miko Wong（Cyrus Lee Team）
服裝：N12H Fashion（上衣）、Minomart（短褲）