張彥博經歷低潮窮到唔敢望人

藝人張彥博2005年以音樂組合「赤子」進軍娛圈，然而音樂路上遇到不少風雨阻撓，樂隊只維持四年便因約滿而宣布解散。張彥博自覺面皮薄，出席活動時未受尊重，心中變得難受和失去自信，之後參加音樂節目《聲動亞洲》及《2013快樂男聲》，雖然比賽沒有為他帶來任何獎項，不過令他重拾對音樂的熱誠，重建自信。

齋吔即食麵

張彥博說：「比賽係好好嘅經驗，幫我重建自信，因之前我丟低所有嘢，覺得乜都冇，人生好低潮，連望人都唔敢望，尤其係傳媒，覺得自己一文不值。」最低谷時試過杯麵都嫌貴，近半個月在家食即食麵。

張彥博9歲開始學樂器，也愛與其他音樂人交流。

張彥博（左）在《一屋老友記》中的細寶一角甚得人心。

提到音樂之路，張彥博9歲便開始接觸樂器，後來因為突破不到自己，一度有放棄音樂的念頭。重拾音樂後，若遇到困難，張彥博會找其他音樂人交流，並向多種樂器發展，從而將不同樂器的共通點連繫起來，為他的音樂打下穩健基礎。

他透露剛畢業時經常到觀塘「蒲吧」（現稱協青社）跟音樂人玩音樂，真正的音樂生涯由此開始。每逢周六晚，他會跟一班年輕人無拘無束玩音樂，結他及尖沙咀文化中心的長樓梯正是他的開心回憶，他坦言：「蒲吧好多朋友，無論係音樂人、跳舞人定係踩單車人，都好鍾意星期六晚去長樓梯聚集，喺嗰度算係過得幾開心。」

感恩冇學壞

當時張彥博正值反叛期，加上「蒲吧」不乏邊青，幸而他沒走上歪路：「我都識得啲壞朋友，我好感恩冇學壞，其實我成世人大部分時間好自閉，不過鍾意玩音樂嘅人唔會壞得去邊，因為要練好一種樂器需要好多時間，沉迷之後唔會有時間去玩其他嘢。」

文：專案組