簡淑兒做真‧女神戰勝恐懼

組合少女標本成員簡淑兒（Jessica）最近憑劇集《愛‧回家之八時入席》秘書一角人氣急升，網友大讚她演技自然，加上擁有迷人腰果眼及甜美笑容，獲封新一代「仙氣女神」！日前Jessica在微博上載劇照，前輩毛舜筠（毛毛）轉發並留言：「你的演出很讚！」令她笑言「開心到傻」！

揈腳仲要扮淡定

人氣高帶挈工作接踵而來，近日Jessica獲「萬成永成攝影器材有限公司」垂青成為新代言人！拍攝宣傳照當日，她除了要攀山涉水外，畏高兼不懂游泳的她更大膽自我挑戰：「我要擒上條橋度坐，攝影師仲叫我揈腳，我Feel到Pat Pat一路震，好驚跌落嚟，但又要扮淡定、自然。」

唔使再用Mic Stand

Jessica認為現時「女神」氾濫，已失去原先定義，故不會因「女神」封號喜悅，反而擔心被標籤成「花瓶」：「啲人會覺得你靠個樣，或者冇乜實力，我覺得唔係好事，但如果大家留意到我嘅努力，我會最開心。」她坦言入行以來每日都充滿挑戰，又自爆小時候已有舞台恐懼症，面對太多陌生人會害怕，但偏偏作為一個藝人，工作就是要娛樂大眾：「一開始我驚對鏡頭，如果有睇我一出道主持嘅娛樂新聞，會見到我隻眼不停眨同食螺絲，同埋我記得第一次出嚟唱歌，公司唔畀我揸咪，因為我手震得太勁，要用Mic Stand！」但她憑着個人意志和努力，逐步克服恐懼：「我成日同自己講『It's OK』（不要緊），我知自己唔係一個天生表演者，但會比人哋加倍努力！」

Jessica拍廣告當日表面淡定，其實心肝卜卜跳！

Jessica嘟嘴賣萌，Kawaii呢！

文：音樂組　

攝：劉智源