李克勤處男執導MV唔預老婆

歌手李克勤昨日到電台宣傳新歌《一個都不能少》,下周拍攝新歌MV的他,透露首次做導演:「第一次執導好緊張,搵咗惠英紅同元華拍攝,我只得一個鏡頭,想拍得感動啲,彌補導演嘅不足。」歌曲是答謝過去三十年幫助過他的貴人,問到為何不邀請老婆盧淑儀出鏡?克勤說:「唔使啦,得(口架)喇,佢去英皇珠寶買嘢,一百幾十蚊好喇,一千幾百蚊都得。」

對於英皇高層吳雨榮休,克勤說:「知道,球隊都會換領隊,咁大間公司總有適合人選取代佢個位。」近年頻頻孖天后容祖兒四出為巡迴演唱會演出的克勤說:「十月頭會去新加坡,當地有寨卡,原本諗住帶小朋友過去,依家要轉地方玩。」