袁詠儀唔化妝老公最冧
昨晚袁詠儀（靚靚）穿上黑色喱士裙子露黑色bra出席活動，靚靚自爆老公張智霖最愛她素顏：「老公最鍾意我唔化妝，有時畫咗條眼線，都即刻叫我抹咗去，我個仔都唔鍾意。」提到今屆港姐冠軍馮盈盈被揭爆粗，率直的靚靚直認會講粗口：「粗口係香港傳統文化，我唔可以話畀你聽我唔講粗口，基本上我淨係會對住我老公講，閂埋房門講，佢話我講粗口嘅音好似廣州人，有時講粗口都係一種情趣。」
同場的Lisa S.透露老公吳彥祖和女兒在愛爾蘭，所以她要趕回去。她表示女兒現時3歲半，語言能力很高，十分成熟。問到會否再生B？她笑說：「經常嘗試，因為我年紀唔細，但仍然要加油。」提到老公好友馮德倫與舒淇剛結婚，問她會否傳授造人心得？Lisa笑說：「我唔會傳授畀任何人，因為每個人都唔同。」她笑稱可以借女兒給馮德倫一星期，讓他感受做父親的感覺。
