莊端兒高調與諸葛解約反被揭離過婚
藝人莊端兒昨日高調開記者招待會，宣布已發律師信給經理人諸葛紫岐的公司，單方面要求終止合約，她聲稱多次被公司要求做超越她底線的事，但卻發生「爆人」變「被爆」事件，期間被人揭發她曾離婚，同時還傳出一段不倫之戀。而諸葛紫岐於莊端兒記招後，亦發律師信給對方，正式反目。
日前張致恒（Steven）被拍得背女友莊端兒（Xenia）偷食台妹Doris，是非沒完沒了！Xenia昨日高調召開記者招待會，除了宣布與Steven正式分手外，更自爆於今年八月五日，已向經理人諸葛紫岐（Marie）發律師信，單方面提出終止合作關係。她說：「喺我哋呢段合作關係裏面，有人想我做一啲超越我底線嘅事。而我係一而再，再而三咁去拒絕。依家我哋係處於冷靜緩衝期，喺呢段期間，如果有人再利用我個人資料去接洽工作，而導致第三方有所損失，我莊端兒唔會承擔任何責任，並且保留追究權利。」惟她不肯交代及說明所指之「超越底線」到底是甚麼一回事。Marie就此「指控」即時交給律師處理，向Xenia發出律師信。
記者會期間，有記者指有傳Xenia於2008年與有婦之夫Peter發生感情關係，以及又傳她有過一段婚姻，問到傳聞是否屬實？她說：「唔好將其他人嘅喜好走嚟問我回應，人哋問我感情，我就叫人哋問我工作，到我上咗C1，你哋問我工作，我又叫番你哋問我感情嘢。（你之前係咪有過一段婚姻？）唔方便講。（你有冇同Peter拍過拖？）我已經講咗唔好將人哋所爆嘅嘢加喺我身上，要我回應人哋嘅嘢。」
諸葛希望交代清楚
記者會結束後三小時，Xenia終於在Facebook承認離過婚：「有記者指有人爆料我曾經離婚，我的確結過婚，婚姻維持了很短時間，後來離婚了，我並不認為我曾經結婚是黑材料，所以所謂爆料者如果想藉此抹黑我，我只覺得可笑。」她更「提醒」爆料者好自為之，不要再企圖混淆大家視聽。但至於是否曾跟一名有婦之夫有感情關係之事，則未有回應。
對於Xenia的言論，Marie昨晚出席活動時指因Xenia合作誠信出現問題，故發律師信給對方。問到會否要求對方賠償？她指一切交由律師處理，不便透露。再問她是否曾要求Xenia做超越底線的事？Marie回應：「識我咁耐嘅人都知，加上我又係圈中人，點會逼藝人做啲唔想做嘅嘢。況且，我都唔知亦唔明白佢所指『超越底線』究竟係乜嘢一回事，希望佢可以交代清楚。唔好造成對本人同公司有聲譽上影響嘅誤會或聯想，我哋必定保留法律追究權利。（覺唔覺得Xenia反骨？）好無奈。」記者追問她知不知道Xenia結過婚、是否曾與Xenia及其前夫打麻雀時，她一臉愕然，再三強調感情事留給Xenia回應。
張致恒：知佢結過婚
本報就此事追問Xenia前男友張致恒，他透過短訊回覆：「我知佢結過婚，係喺我哋拍拖之前嘅事，唔係秘密嚟！佢公司都知，佢同佢前夫同諸葛紫岐兩公婆仲有一齊打麻雀添！」
文：名人組