孫耀威恨做陳嘉桓師弟
藝人孫耀威（Eric）、葉芷如、陳嘉桓及周嘉莉等日前出席國藝電影公司老闆冼國林旗下武館搬遷的拜神儀式。Eric坦言與冼師傅於即將上映的電影《我們的6E班》中結片緣後，一直心思思想深造功夫。冼師傅得悉後即與Eric過招，見二人拳來拳往，表現肉緊。
冼師傅大讚Eric有潛質做動作演員:「拍完戲後，Eric想繼續學同練好功夫。佢本身係好有heart嘅藝人，又有少少功夫底，佢好有潛質做動作演員。我平時唔公開授徒，熟人先教，佢聽到仲搞笑話唔介意做陳嘉桓師弟。」與Eric於新片中演情侶的葉芷如是跆拳道黑帶及詠春教練，「技癢」的她狂撩Eric談功夫經。
此外，冼師傅又表示武館搬遷後，將致力添置更齊全的設備，為徒弟們準備更佳的習武環境：「嚟緊有個世界詠春大賽，到時武館可以畀大家用嚟訓練。」