張敬軒送褸答謝吳雨
歌手張敬軒與羅力威昨日在旺角街頭出席活動，二人動手設計外套，軒仔表示會將外套送給即將退休的英皇娛樂集團執行董事兼行政總裁吳雨：「佢就快會去個風涼水冷嘅地方，所以送件褸畀佢！」羅力威則表示會將外套送給助手做生日禮物，而他用大頭針將徽章釘上外套時不慎刺傷中指，要即時吮手指止血。
軒仔不久前才得知吳雨退休的消息，他說：「雖然唔捨得，不過我知佢好嚮往優哉悠哉嘅生活。加上佢囝囝喺外地讀書，會喺嗰度一段時間，陪太子讀書。」他感激對方教曉他不少知識，包括訪問技巧，又曾叮囑他要尊重事業。問到吳雨可有「醒」（鬧）他？他表示沒有，但笑指吳雨不時「醒」羅力威，羅力威說：「醒鑊甘！佢有時會覺得我喺頒獎禮嘅言論唔係幾好，同埋有時我會抱怨。」