蔡少芬NG40次遭爆粗問候

視后蔡少芬（Ada）在電影《S風暴》飾演ICAC要員，協助古天樂破案，口齒伶俐的Ada直言被翹口專業對白考起而NG多次：「我不嬲講嘢流利，只不過好多資料要講，唔錯得！（破紀錄？）唔係，當年第一套電視劇《風之刀》我NG咗40次，結果畀幕後用粗口鬧，不過係自己抵死，係教訓。」講到出爐港姐冠軍馮盈盈被爆曾講粗口，Ada力撐師妹，笑說：「作為人都會講吓粗口，但要睇咩時間。（鬧老公嗰陣？）唔敢！有時揸車畀人Cut線，會激動加啲助語詞，不過有時個女聽到會學，所以唔係咁好。」講到今次跟三大型男古天樂、張智霖及周渝民都沒有親熱戲，Ada笑說：「有啲可惜，希望下次同佢哋拍拖啦！拍親熱戲冇問題，但尺度唔會大，唔係老公畀唔畀，係自己保守。」