英皇「星爸」吳雨10月榮休
英皇娛樂集團執行董事兼行政總裁吳雨行將退休，據知他與英皇的合約於10月屆滿，屆時將宣布退休。吳雨在英皇負責集團的企業及業務策略與營運，亦是英皇娛樂創意學院的校長，在英皇打拚了十六年打造不少巨星，包括謝霆鋒、容祖兒、Twins與古巨基等，前年還成功羅致林峯加盟做「親生仔」。
據知，吳雨連日來開始跟旗下歌手及藝人交代退休一事，他接受電話訪問時坦承即將退休：「10月底就退休，同老闆（楊受成）講咗，老闆堅持幫我搞個歡送會，多謝佢盛意拳拳！我喺英皇呢十六年係一個好開心嘅經歷，退休都有唔捨得。（有咩難忘經歷？）太多啦！記唔晒！總之係好開心，同英皇上下喺呢十六年一齊奮鬥。（退休後有咩新動向？）都係陪屋企人。」
吳雨縱橫娛樂圈多年，當年是無綫長壽節目《歡樂今宵》的編劇功臣，其後掌舵無綫戲劇及綜藝節目，之後又主理華星唱片公司，現任「IFPI香港會主席」。