吳啟華怨一敵十：咪當我係甄子丹！
藝人吳啟華、陶大宇及宣萱昨日宣傳新劇，形象斯文的啟華今次飾演特工要狂打，他笑言要一個打十個，曾怨監製鄧特希不要當他甄子丹！
吳啟華、宣萱、陶大宇、陳百祥（阿叻）、蘇永康與趙碩之等昨日出席劇集《隱世者們》記者會，宣布劇集將於明日在myTV SUPER播出。飾演特工的主角啟華於劇中動作連場，演慣斯文角色的他笑說：「今次打得好甘！我同監製鄧特希講，你唔好當我係甄子丹喎！一個打十個！（頂得順？）勉強啦！係嗰晚詐咗一次型，近排慣咗早睡早起，拍通宵戲係辛苦咗，仲要打足全晚。（受傷？）好彩冇！我都幾錫身，做足熱身。」
宣萱送吻 大宇嗌爽
至於宣萱於劇中要主動向大宇獻吻，笑言從影以來甚少做主動，故拍攝時頗尷尬：「咁我同大宇係好拍檔，放心啲。（有幾激？）唔止蜻蜓點水(口架)！但比我想像中冇咁犀利。」大宇則笑言已不止一次跟宣萱拍咀戲，今次被咀的感覺尤其舒服：「原來拍感情戲唔郁係咁舒服！可能導演仲新，唔好意思叫我哋嚟多次。（你想咀多幾次？）我梗係唔介意啦！」問到大宇是否喜歡主動的女性？他笑說：「都係睇心情！情到濃時就咩都得！（幾時再宣布喜訊？）有嗰陣會話你聽！（依家有拍拖？）有異性朋友相處。（同居？）我都幾十歲人，有咩所謂！最緊要開心，我都要交朋友嘅，唔係一支公好慘嘅。」
此外，特別客串的阿叻表示跟其他演員及鄧特希都沒有見過面，笑言「隱世者」應是指自己！鄧特希則指阿叻在戲中做番自己棟篤笑，讚他演得出色。
文：影視組