Eason為霆鋒打造廚服心口袋匙羹
歌神陳奕迅（Eason）榮升時裝設計師，成為全球首位擁有adidas個人系列服飾的華人歌手，他將親自設計的「adidas Originals by Eason Chan 2016秋冬男裝系列」贈予圈中好友，包括不少夫婦及情侶，其中王菲與囡囡有份，卻獨欠老友謝霆鋒，因他打算為霆鋒打造獨特「廚師服」！
昨日Eason現身上海舉行的發布會，今次是他處男操刀，設計取名「奕」的系列服飾，連Logo亦是「奕」字，首次當設計師的他說：「其實一直有發夢，諗吓會唔會有一日對波鞋上面有自己個『嘜頭』，我冇諗過真係搵我做設計師。」品牌讓他列出送贈的圈中好友名單，他花了兩日時間去寫，更親自為每位朋友揀選適合款式：「我揀咗件衫畀舒淇，亦順便揀埋畀佢老公馮德倫，但唔會揀情侶裝咁老土，Angelababy有，亦揀埋畀黃曉明。」他笑住補充：「冇理由老公有老婆冇，或者老婆有老公冇o架嘛！唯一我揀咗畀童童（竇靖童）同王菲，但冇畀謝霆鋒囉！哈哈！」」
揀衫贈王菲童童
問到為何獨欠老友霆鋒，Eason大笑說：「謝大廚唔會着啦！我怕佢成日煮嘢整污糟我啲衫，彈晒啲油上去！我諗住嚟緊2017年春夏系列，睇吓可唔可以私人訂製一套廚房着嘅adidas廚師衫畀佢囉！心口有個袋畀佢袋隻匙羹，頂廚師帽會有三間喺中間。但如果謝大廚有代言唔方便，我最多打多個X字喺上面囉！」Eason又表示很想送給韓國女神全智賢，故會叫adidas安排送去韓國。
至於太太徐濠縈及女兒康堤當然亦有份，他透露太太的時裝店更會同步發售他的「傑作」：「我冇叫佢o架！佢鍾意揀咩貨入，我從來唔過問。知道佢入貨後係開心嘅，證明佢都欣賞我啲設計囉！」
文：音樂組