呂晶晶O嘴：啱啱先見佢哋睇騷

對於莊端兒的男友張致恒爆「偷食」新聞，並表示分手多個月，藝人呂晶晶昨日穿露肩裝出席劇集《隱世者們》宣傳活動，對於同公司的莊端兒情變，她說：「佢講男友時都會好開心，冇諗過會有呢啲新聞，平時見佢兩個好Sweet，啱啱之前先見佢哋一齊睇郭富城演唱會，仲真係以為佢哋會結婚，端兒又會整嘢食，出活動時，佢都會話要去接男友，佢哋真係幾Sweet，所以我都好意外！（覺得佢男友花心？）如果有呢種新聞出嚟都覺，我自己唔鍾意花心男仔，搵男友第一條件係唔可以花心，拍拖係要大家互相尊重，唔夾可以提出分手，但中間有背叛係好傷害對方。」